Bündnertalk

Perspektiva im Alltag – Ismael

Thu, 09 Apr 2026 03:00:00 +0000

I dera Folg vom Bündnertalk hät dr Ramon dr Ismael us Felsberg zu Gast. Miar redand drüber, wia dr Ismael noch sim erschta Surftrip in Spania d’Abwechslig gschätzt hät, aber trotzdem gera in Graubünda dahai isch.

As kunnt as ehrlichs Gspröch uf über Fehler im Job – wia wenn dr Rasamäher uf Beton trifft – und warum s so wichtig isch, Kollega z’ha, wo eim sägend, dass alles guat kunnt. Dr Ramon verzellt offa vo sim Studiaabbruch und wia eim dr Rat vo Kollega dr Wäg zeiga kann. Zum Schluss erklärt dr Ismael, warum Gfüahl zwar guati Begleiter, aber schlechti Leiter sind und warum er jeda Morga mit 100% Isatz startet. Ganz ächt und patschifig.

Bewundert ma nur was ma selber nit chan? – Annemarie

Thu, 26 Mar 2026 04:00:00 +0000

I dera Folg vom Bündnertalk pickt d’Anne folgendi Frog: Welli Eigaschafta bewunderisch du an anerna Lüüt? Us dära Frog ergit sich a richtig ehrlichs Gspröch über üsi eigna Schwächa und d’Stärka vo üsam Umfäld. Miar redand drüber, wiso üs Sprachtalent so fasziniarand, was es bruucht, zum Lüüt würkli zemma z’bringa, und wia vill inneri Ruah as bruucht, zum unter Druck d’Nerva nit z’verlüüra. Ä Gspröch über Identität, persönlichi Wärt und d’Frog, wieso d’Entscheidig für Latinisch z lerna in dr Schual villicht doch nit dia best gsi isch. Ganz ächt und patschifig.

Über Gfühl reda isch wia Isbada, usafordernd aber tuat guat – Serena Schlüter

Thu, 12 Mar 2026 04:00:00 +0000

Hüt wird’s ehrlich. Mir startend wia gwohnt mit as paar klassischa Entweder-Oder-Froga zum Warmwerda: Dessert oder Kraftsport? Früahufsteher oder Nachtmensch?

Denn tauchand miar aber tüüfer i: Miar redand über dä Schmärz, wo ma nit gseht, aber am maischta gschpührt. Ischs schwirig? Jo. Ischs wichtig? Definitiv.

Miar wönd doch alli nur Glücklich sii – Thaddäus Krause

Thu, 26 Feb 2026 04:00:00 +0000

“Miar wönd doch alli nur Glücklich sii” das isch öppis wo da Thaddl erkennt hät, doch was wünscht er sich und was für Wünsch machand sicher nid Glücklich. Chama vo Musig süchtig werda oder nid? Um dia und wiiteri Froga gohts i dera Episoda.

Wenns nid eifach isch – Valerie Mirindi

Thu, 12 Feb 2026 04:00:00 +0000

“As brucht da Winter zum da Summer z gnüssa” – das isch a Grundhaltig wo da Valerie Mirindi het und au usläbt. I dera Episoda redamr über sin Wäg als Standup Comedian, über Gäld, schwirigi Ziita und was einem dabi Hilft zum dura bissa.

Schrib doch ind Kommentär was diar in schwiriga Ziita gholfa het.

Veloschlüch wechsla und anderi green Flags – Annemarie

Thu, 29 Jan 2026 04:00:00 +0000

Alli Fraua findends guat. D Annemarie au. An Ma muas an Veloschluch wechsla chönna. Das isch as super Indiz für handwärklichi Begabig. Über sötigi und anderi wichtigi Kriteria diskuatiaramer i dera Episoda.

Quizfrog and Tiarliabhaber: Was für as Tiarli pfiift im Intro und Outro?

Trailer

Mon, 26 Jan 2026 17:22:57 +0000

Neui EP jeda zweiti Donnstig, 5i am Morga

Bündnertalk – Ehrlich, spontan und mit Härz

Ächti Gspröch ohni Skript. I, dr Ramon Heeb, träffa spannendi Menscha us Graubünda und vo wiiter wäg. Miar reden über ds Läba, Freud, Arbet, verruckti Idea und alles, was grad so passiert, genau so, wia’s im ächta Läba isch: nit perfekt, aber ächt. Immer patschifig und garantiert nia langwilig!